BMW ја подготвува новата генерација на моделот X3, а неколку прототипови веќе се ставени на тестирање. Конечната верзија лесно би можела да изгледа токму како овој предлог.
„Sugar Design“ го понуди својот предлог, а се базира на досега видените прототипи, но и на некои желби искажани од многу обожаватели на брендот. BMW дефинитивно треба да го усоврши својот дизајнерски израз, а можевме да ги видиме првите резултати на X3.
Ако се суди по овој рендер, BMW ќе се откаже од форсирање на драматични линии, односно повеќе нема да бидеме сведоци на агресивни линии кои ги среќаваме на бројни модели од гамата на баварскиот производител.
Постојат атрактивни решенија како што се рачките на исто ниво со површината на вратата. Секако, и падот на покривот од кој продолжува да расте кровниот спојлер не можеше да заработи лоши оценки. Дизајнот на задните светла и браниците можеби не е најдобро решение, како и аголните краеви на браниците.
Ако се вратиме на предниот дел, понатамошниот раст на „бубрегот“ може да вознемири многумина. Отсуството на вертикални летви, кои се заменети со сјајна пластична обвивка, е уште поизненадувачки.
За потсетување, новиот X3 за првпат треба да биде претставен најдоцна кон средината на следната година. Класичните бензински и дизел мотори треба да останат во понудата заедно со хибридите во рамките на подобрената платформа CLAR. Од друга страна, целосно електричниот iX3 ќе биде одделен и ќе ја користи основата „Neue Klasse“.
